Mëngjesin e sotëm është përfshirë nga flakët fabrika e përpunimit të peshkut në Lezhë. Dyshohet se zjarri ka ardhur si pasojë e një shkëndije elektrike.

Burime zyrtare bëjnë me dije se shërbimet e Policisë dhe të zjarrfikëses ndodhen në vendngjarje, punojnë për shuarjen e flakëve.

NJOFTIMI
Rreth orës 06:30, në dalje të qytetit të Lezhës, ka rënë zjarr në fabrikën e peshkut.

Nuk ka dëme në njerëz, vetëm dëme materiale.

Shërbimet e Policisë dhe të zjarrfikëses në vendngjarje, punojnë për shuarjen e flakëve.

Si pasojë e tymit është devijuar trafiku në qytet dhe në rrugë dytësore.