Sipas transmetimit të Anadolu Agency (AA), Japonia ka ndryshuar një ligj për të lejuar Forcat Vetëmbrojtëse Japoneze (SDF) të shpëtojë shtetasit e huaj në misione emergjente.

Projektligji për të ndryshuar rregulloren japoneze për operacionet e shpëtimit të SDF-së u miratua nga Dhoma e Këshilltarëve të Parlamentit të Japonisë (Dhoma e lartë).

Kjo masë u vendos pasi vitin e kaluar qeveria japoneze u përball me kritika për shkak se nuk arriti të shpëtojë afganët që punonin në agjencitë japoneze, përfshirë në ambasadën në Kabul, ku forcat e huaja u tërhoqën nga vendi i shkatërruar nga lufta.

Kryeministri i kabinetit Fumio Kishida miratoi amandamentin në muajin shkurt, ndërsa Dhoma e Përfaqësuesve (Dhoma e ulët) e miratoi në mes të muajit mars.

Japonia është një nga ofruesit kryesor të ndihmës për Afganistanin.  ku talebanët kanë rimarrë kontrollin. Që nga viti 2001, Tokio ka kontribuar mbi 6 miliardë dollarë për rindërtim, arsim, bujqësi, kujdes shëndetësor dhe programe të tjera të ndihmës.

Megjithatë, Japonia e mbylli ambasadën e saj në Kabul më 15 gusht të vitit të kaluar dhe aktualisht është në procesin e evakuimit të stafit së bashku me punonjësit vendas.

Sipas një raporti nga ‘Kyodo News’, SDF-ja dërgoi ekipin e saj për të evakuuar 500 punonjës pas rënies së administratës së Kabulit të mbështetur nga SHBA-ja. Për shkak të kufizimeve ligjore vetëm dhjetëra afganë u arritën të shpëtoheshin.

Nur Karik