Kolegji Universitar “Bedër” në bashkëpunim me Këshillin Botëror të Komuniteteve Muslimane lançoi  projektin: “Merit Based Scholarship”. Në kuadër të projektit 50 studentë të vitit të parë të programeve bachelor u përzgjodhën fitues të bursës.

Bursa konsiston në mbulimin e tarifës së studimit dhe në mbështetje financiare për mbulimin e akomodimit dhe transportit përgjatë viteve të studimit. Gjatë lançimit ishin të pranishëm dhe përgëzuan studentët Rektori i Kolegjit Universitar “Bedër”, Prof. Rahim Ombashi, Kryetari i Bordit të Administrimit, Dr. Skënder Bruçaj, Dekani i Studentëve, z. Surja Shehi, si dhe anëtarë të stafit akademik.

Bursa “Merit Based Scholarship” është e vlefshme për të gjithë ciklin e studimeve bachelor. Në bazë të kohëzgjatjes së projektit, do të aplikojnë dhe do të përzgjidhen fitues 4 breza studentësh, të cilët do të ndjekin studimet pranë Kolegjit Universitar “Bedër”. Projekti zhvillohet në partneritet me Këshillin Botëror të Komuniteteve Muslimane, të cilët mbështesin financiarisht projektin “Merit Based Scholarship”.