Departamenti i Shkencave të Komunikimit finalizoi me sukses ciklin e trajnimeve “Public Speaking 2022”, i përbërë nga 8 seanca. Studentët pjesëmarrës në trajnim mbajtën fjalimet e tyre përpara audiencës prezente duke treguar kështu qartazi aftësitë e fituara në të folurën në publik.

Fjalimet e studentëve ishin mjaft të larmishme. Ndërsa një pjesë e tyre foli plot dashuri për kujtimet e fëmijërisë apo kafshët shtëpiake, pjesa tjetër na tregoi pse e folura në publik është e rëndësishme apo si dembelizmi mund të shndërrohej shumë mirë në një karakteristikë mjaft efektive dhe kreative.

Gjatë 8 javëve studentët kanë arritur të marrin njohuri nga zgjiedhja e temës së një fjalimi e deri tek menaxhimi i emocioneve përpara një publiku.