Policia italiane ka arrestuar një shqiptar i cili ka qenë duke transportuar marijuhanë.

Shqiptari, emri i të cilit nuk bëhet i ditur, kishte hyrë në Itali nga Greqia dhe kishte në makinën e tij me targa shqiptare 16 kg drogë të tipit marijuhanë.

Droga ishte e ndarë në 14 pako dhe ishte fshehur në një fund të dyfishtë të krijuar nën makinë. Sasia e drogës dhe automjeti u sekuestruan nga policia italiane nën cilësinë e provës materiale.

/Romina Qama/