Episodet e dhunës në familje nuk kanë kursyer as ambientet e Gjykatës së Tiranës.

Një grua është qëlluar me grushte dhe shkelma nga ish-bashkëshorti, pak minuta pasi togat e zeza vendosën divorcin e tyre. Mësohet se Genci Sefa ka rrahur Adelajda Sefan, pak minuta pasi gjykatësja Elona Gjoka, ka vendosur që kujdestarinë e djalit të tyre, t’ia lërë të ëmës.

Aktualisht Sefa është shpallur në kërkim, ndërsa forcat e komisariatit nr.2 të kryeqytetit dhe pse prezent në ambientet e brendshme të Gjykatës, nuk kanë mundur të ndërhyjnë për të arrestuar në flagrancë shtetasin Genci Sefa.

/Laugert Qosja/