Te gjithë e dinë se njeriu i cili do të zëvendësojë Roberto Mançinin në drejtimin e Mançester Sitit është trajneri aktual i Malagës, Manuel Pelegrini. Lojtarët e Sitit u shprehën të kënaqur me largimin e teknikut italian, pasi, sipas tyre, Mançini ishte arrogant me ta.

Por, duket se me kilianin Pelegrini do ta kenë akoma më keq. Ky ia ka bërë të qartë drejtuesve të Sitit se vepron si diktator dhe se nuk i druhet kësaj gjëje.

“Unë jam një diktator, sepse futbollistët duhet që të më binden dhe të veprojnë ashtu siç u them unë. Nëse do që të jesh një trajner, duhet të tregosh autoritetin tënd”, ka thënë Manuel Pelegrini.

/Klajdi Lleshi/