Manjati indonezian Thohir kërkon të blejë 80 % të aksioneve të Interit, duke ofruar një shifër prej 290 milionë eurosh + 100 milionë euro për merkaton.

Edhe banka e investimeve e cila prej muajsh ka besuar menaxhimin e shitjes së mundshme të klubit milanez, është duke u përpjekur për të bindur presidentin Masimo Morati për të lënë të lirë Interin.

Morati duket se këtë radhë do të dorëzohet pas atyre ofertave të shumta që erdhën para disa muajsh nga kinezët. Interi është në krizë dhe kjo argumenton se ky klub shumë shpejt mund të kalojë në pronësi të miliarderit indonezian.

Sa i përket merkatos, Thohir ofron plot 100 milionë euro për të përforcuar ekipin që thuhet se do jetë pronë e tij në të ardhmen.

/Dorjan Gjepali/