Krimi në familje ka marrë përmasa të mëdha ditët e fundit. Sot një rast tjetër është shënuar në Shijak, ku 43-vjeçari ka kërcënuar me vdekje gruan e tij. Policia ka mundur të arrestojë 43-vjeçarin Gazmend Banushi, i cili dyshohet se ka kërcënuar me armë bashkëshorten e tij. Burime nga policia bëjnë të ditur se shtetasi
Krimi në familje ka marrë përmasa të mëdha ditët e fundit. Sot një rast tjetër është shënuar në Shijak, ku 43-vjeçari ka kërcënuar me vdekje gruan e tij.
Policia ka mundur të arrestojë 43-vjeçarin Gazmend Banushi, i cili dyshohet se ka kërcënuar me armë bashkëshorten e tij.
Burime nga policia bëjnë të ditur se shtetasi Gazmend Banushi është denoncuar nga bashkëshortja e tij, Marjeta Banushi, e cila pretendon se është kërcënuar vazhdimisht nga i shoqi.
Pas kontrollit në banesën e çiftit në Shijak, policia gjeti edhe një armë pa leje, tip pistoletë TT, një çifte dhe një sasi fishekësh. 43-vjeçari është shoqëruar në komisariat, ndërsa pritet të dalë përpara gjykatës nën akuzën e kërcënimit dhe armëmbajtjes pa leje.
Kohët e fundit rastet, ku burrat vrasin gratë janë rritur ndjeshëm. Vetëm brenda një muaji janë shënuar 4 gra të vrara nga burrat. Dhe ditën e djeshme i fejuari vrau bashkëshorten në fshatin Hekal të Tiranës për shkaqe xhelozie.
/Laugert Qosja/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *